Pas plot 10 sezonesh me ekipin e parë, Lucas Vasquez dhe Real Madrid vendosën të mos vazhdonin më së bashku. Spanjollit i skadoi kontrata dhe klubi madrilen vendosi të mos ia rinovonte më. Dy ditë më parë, klubi madrilen i dha “latumirën” Lucas Vasquez, ku u mbajt edhe një ceremoni përshëndetëse për të.
Pavarësisht moshës së tij, 34 vjeç, Lucas Vasquez, mesa duket do vazhdojë të luajë ende në nivel elitar. Mediat spanjolle raportojnë se Lucas Vasquez është shumë pranë transferimit të Villarreal si lojtar i lirë.
Për “Nëndetësen”, ardhja e një lojtari si Lucas Vasquez do të përshtatej në mënyrë të përkryer me filozofinë e trajnerit Marcelino, i cili tashmë i ka dhënë dritën jeshile për transferimin e 34-vjeçarit spanjoll.
Kujtojmë se Villarreal sezonin e ri do të luajë edhe në Champions League dhe ardhja e një lojtari me eksperiencë si Vasquez do ishte një ndihmë e madhe për ta.
The post E BUJSHME! Lucas Vasquez u largua pardje nga Real Madrid, sot e kërkon klubi i madh që luan në Champions League appeared first on Telesport.
