Mesfushori Bruno Fernandes është një nga lojtarët e paktë që ka mbetur një figurë kyçe në një nivel të lartë me Manchester United në sezonet e fundit. Gjithsesi, aventura e tij në Premier League duket se do të marrë fund.
Pasi hodhi poshtë mundësinë e një transferimi në Arabinë Saudite, portugezi ka përfunduar në shënjestrën e Bayern Munich. Fernandez ka një kontratë me “djajtë e kuq” deri në qershor 2027, por është i hapur për një përvojë të re.
Tashmë 31 vjeç, Bruno Fernandes është në sezonin e tij të shtatë në “Old Trafford”, duke mbajtur shiritin e kapitenit. Ai ka realizuar 100 gola në 298 ndeshje zyrtare me Manchester United dhe verën e ardhshme do të hyjë në vitin e fundit të kontratës.
Duket se bavarezët kërkojnë një lojtar me përvojë për arenën ndërkombëtare, pasi synojnë trofeun e Champions League. Ardhja e Fernandes mund të jetë një armë më shumë, pasi përvoja e tij mund t’i ndihmojë kampionët e Gjermanisë.
The post E bujshme! Bayern Munich interesohet për Bruno Fernandes, synon transferimin në Bundesliga appeared first on Telesport.
