Policia e Kosovës ka arrestuar dy persona në Lipjan, pasi ata nuk kanë zbatuar urdhrat e një zyrtari policor dhe gjatë tentativës për t’u larguar me veturë, i kanë shkaktuar lëndime trupore.
Ngjarja ka ndodhur më 1 prill 2025, rreth orës 22:30. Polici i lënduar ka marrë trajtim mjekësor, ndërsa të dyshuarit janë ndaluar nga njësitet policore.
Pas intervistimit, në prani të avokatëve mbrojtës, me vendim të Prokurorit të Shtetit, ata janë dërguar në mbajtje.
Hetimet për rastin po vazhdojnë.
