Fillimi i karrierës së Senne Lammens te Manchester United vështirë se mund të kishte shkuar më mirë, por belgu nuk po rrëmbehet. Pasi përfundoi një transferim prej 18 milionë eurosh në ditën e fundit të merkatos nga Royal Antwerp, ai kaloi tre ndeshje në stol përpara se të debutonte në fitoren ndaj Sunderland.
23-vjeçari mbajti portën e paprekur në atë ndeshje dhe më pas Lammens e ndihmoi United të fitonte 2-1 kundër Liverpool të dielën. I pyetur se si u ndje kur u nxor në qendër të vëmendjes nga errësira relative e ligës belge, ai zbuloi emocionet e tij të para me fanellën e “djajve të kuq”.
“Mundohem t’i mbaj miqtë dhe familjen time më të mirë afër dhe pjesa tjetër është pak zhurmë e jashtme. Për momentin, gjithçka po shkon mirë, kështu që të gjitha janë lëvdata. Por, jam realist të di se nëse nuk shkon aq mirë, do të vijnë edhe komente të këqija”, tha Lammens.
“Është një ndjenjë vërtet e mirë kur merr lëvdata, që gjithashtu shoqërohen me fitoret”, tha portieri belg. Lammens nuk ka pasur shumë kohë për të punuar me Ruben Amorim, por e vlerësoi portugezin për mbrojtjen e lojtarëve nga kritikat.
“Si trajner, ai merr shumë presion, mund ta ndjesh nga jashtë, mund ta lexosh dhe ta dëgjosh. Por, mendoj se ai bën më të mirën e tij dhe përpiqet ta mbajë presionin mbi vete dhe jo mbi ekipin. Ai e largon presionin nga ne dhe kjo është ajo që bëjnë shumë trajnerë të shkëlqyer”, tha Lammens.
The post Dy ndeshje në portë si titullar dhe dy fitore për Manchester United, Lammens duket se është hajmalia për Amorim appeared first on Telesport.
