Dy gjigantët e Premier League hidhen në “sulm” për “murin” e Juventusit

Sipas “Sportmediaset”, Liverpool dhe Manchester United janë gati të bëjnë gjithçka për të siguruar qendërmbrojtësin brazilian të Juventusit. Bremer, pas një starti sezoni të shkëlqyer, është kthyer menjëherë në shtyllën e mbrojtjes së bardhezinjve, e cila pa të u pa në vështirësi në Veronë.

Dy gjigantët anglezë e kanë prioritet absolut në merkato dhe, me fuqinë e tyre financiare, mund ta bindin si Juven, ashtu edhe lojtarin. Nga ana tjetër, drejtuesit bardhezinj synojnë të rezistojnë, duke qenë të vetëdijshëm për rëndësinë e tij në ekuilibrat e ekipit.

Pas 4 ndeshjesh radhazi mes Serie A dhe Champions-it, braziliani Bremer është parë i rraskapitur në stërvitje, pas sfidës me Veronën, duke u shtrirë në fushë. Për fat, sipas TMW, bëhet fjalë vetëm për lodhje fizike, por situata do të monitorohet ditët në vijim. A do të arrijë Premier League ta shkëpusë “murin” e Juves? Koha do ta tregojë.

The post Dy gjigantët e Premier League hidhen në “sulm” për “murin” e Juventusit appeared first on Telesport.

Banka Qendrore e Kosovës (BQK) dhe Banka Qendrore Evropiane (BQE) kanë nënshkruar një marrëveshje bashkëpunimi për forcimin e mekanizmave kundër falsifikimit të kartëmonedhave euro, duke e vendosur Kosovën më pranë standardeve të Bashkimit Evropian në këtë fushë. Marrëveshja u nënshkrua nga guvernatori i BQK-së, Ahmet Ismaili, dhe presidentja e BQE-së, Christine Lagarde. Sipas njoftimit zyrtar, ky hap shënon një moment të rëndësishëm në integrimin e BQK-së në rrjetin profesional të Eurosistemit dhe partnerëve ndërkombëtarë përmes Sistemit të Monitorimit të Falsifikimeve të BQE-së (CMS). “Përmes kësaj marrëveshjeje, BQK do të ketë qasje në mekanizmat operativë të BQE-së të dizajnuar për të parandaluar dhe luftuar falsifikimin e kartëmonedhave euro”, thuhet në komunikatën e institucionit kosovar, ku theksohet se bashkëpunimi do të përfshijë edhe shkëmbimin e informacionit teknik dhe ndërtimin e kapaciteteve vendore. Ky projekt është zhvilluar me mbështetjen e Bankës Kombëtare të Kroacisë dhe institucioneve relevante të Kosovës në kuadër të TAIEX-it të BE-së, duke synuar krijimin e Qendrës Kombëtare Kundër Falsifikimit dhe të Sistemit Kombëtar për Monitorimin e Falsifikimeve. BQK vlerësoi rolin e partnerëve ndërkombëtarë, veçanërisht të BQE-së, dhe riafirmoi përkushtimin për modernizimin e përpunimit të parasë, rritjen e vetëdijes publike dhe avancimin e Kosovës drejt integrimit të plotë në praktikat e përbashkëta të BE-së.

September 22, 2025