Drita dhe Shkëndija ia dalin dhe në fund arrijnë të shkruajnë historinë. Dy ekipet shqiptare kanë siguruar biletën për në play-off për në raundin e 1/16-ve në Conference League.
Drita është mundur në Madrid 3-0 nga Rayo Vallecano. Për spanjollët shënoi fillimisht Florian Lejeune, me një goditje nga distanca në minutën e 33-të. Gerard Gumbau dyfishoi shifrat në minutën e 66-të nga goditja e dënimit. Pacha shënoi golin e tretë në minutën e 83-të.
Pavarësisht humbjes, Drita e mbyll në vendin e 21-të me 8 pikë dhe në play-off do të ndeshet me turqit e Samsunspor.
Shkëndija u mposht 1-0 në Qipro nga AEK Larnaca. Rezultati u zhbllokua në minutën e 83-të, me golin e Karol Angielski. Gjithë pjesën e dytë, kuqezinjtë luajtën me një lojtar më pak pas kartonit të kuq të Liridon Latifit, për ndërhyrje të ashpër me takë ndaj kundërshtarit.
Pavarësisht humbjes, Shkëndija renditet në vendin e 23-të me 7 pikë dhe në play-off do të ndeshet me Crystal Palace.
The post Drita dhe Shkëndija shkruajnë historinë dhe bëjnë krenar gjithë shqiptarët. Mësojnë kundërshtarët e play-offit appeared first on Telesport.
