“Shqetësimi i duhur duhet të ekzistojë, sepse në këtë ndeshje luhet vërtet shumë. Vlen për ne, ashtu si për ata, pastaj fusha do të vendosë. Ata kanë shpenzuar pak më shumë fizikisht kundër Uellsit, por në këto ndeshje aspekti fizik kalon në plan të dytë, do të jetë mendja ajo që do të bëjë diferencën”.
Kështu u shpreh Roberto Donadoni, ish-trajner i Italisë, duke analizuar sfidën e së martës në Zenicë, vendimtare për Botërorin 2026. Episodi i festimit të axurrëve te penalltitë e Uells-Bosnje ka krijuar pakënaqësi: “Nuk duhet të ndalemi te kjo. Duhet të jemi të vetëdijshëm për forcën tonë dhe ta tregojmë në fushë me një ndeshje mbi mundësitë tona. Duhet të luajmë si skuadër, sepse nuk kemi lojtarë vendimtarë individualisht”.
Sipas Donadonit, ambienti në stadiumin e vjetër të Zenicës nuk duhet t’i shpërqendrojë axurrët: “Nëse mendon për ambientin, humbet fokusin. Sa më shumë të përqendrohemi te loja, aq më pak shpërqendrohemi. Më ka ndodhur të luaj finale Champions-i me 80-90 mijë tifozë dhe të mos e kujtoj fare atmosferën. Sa më mirë të izolohemi, aq më mirë do ta menaxhojmë ndeshjen. Edhe kushtet atmosferike mund të jenë të vështira, por vlejnë për të dyja skuadrat”.
The post Donadoni: Diferencën në Bosnje-Itali do ta bëjë mendja, jo individët appeared first on Telesport.
