Kryeministri në detyrë, Albin Kurti, ka uruar Bedri Hamzën për zgjedhjen e këtij të fundit, si kryetar i Partisë Demokratike të Kosovës.
Në postimin e tij, Kurti ka deklaruar parime themelore për funksionimin dhe avancimin e vendit, janë proceset zgjedhore brenda partisë, si dhe, bashkëpunimi i ndërsjelltë i spektrit të gjerë politik
I pari i VV-së, ka deklaruar edhe se, ai do të ‘’vazhdojë angazhimin për bashkëpunim korrekt’’ në përputhje me vullnetin e qytetarëve.
‘‘I shpreh urimet e mia z. Bedri Hamzës për zgjedhjen e tij në detyrën e kryetarit të Partisë Demokratike të Kosovës.
Proceset zgjedhore brenda partisë, por edhe bashkëpunimi i ndërsjelltë i spektrit të gjerë politik, çdo herë në të mirë të interesit publik, janë parime themelore për funksionimin dhe avancimin e shtetit tonë.
Nga ana ime, do të vazhdoj angazhimin për bashkëpunim korrekt, në përputhje me vullnetin e qytetarëve, dhe me përgjegjësitë që na i kërkon shërbimi ndaj Republikës’’, ka shkruar Kurti.
Kryetari i Vetëvendosjes, kishte uruar edhe Memli Krasniqin kur ky i fundit ishte zgjedhur kryetar i PDK’së në vitin 2021.
Edhe Krasniqit, Kurti, i kishte ofruar ‘’bashkëpunim në temat me interes nacional dhe ballafaqim të ideve e qëndrimeve’’, për të mirën e Kosovës.
