Angel Di Maria, edhe pse ka vendosur të mos luajë më me Argjentinën, pas fitores së “Copa América” 2024, mbetet një figurë ikonike. Për “TyC Sports” u shpreh: “E ndjeva që ishte momenti të tërhiqesha. Djemtë e rinj ishin gati të vazhdonin vetëm. Po vjen një gjeneratë e re si Nico Paz, Garnacho, Mastantuono, Thiaguito (Almada)… E ndjeja se kishin nevojë të fitonin eksperiencë, për të mbërritur në Botëror në mënyrën më të mirë. Për mua është lumturi e madhe, privilegj ta shoh këtë kombëtare”.
Për Kupën e Botës 2026 është i bindur: “Argjentina është gjithmonë favorite. Ky është realiteti, që e imponon fanella bardhekaltër”.
Më pas nuk kurseu humorin: “Gjithçka që shihni, fitoret dhe vazhdimësinë…, ka vetëm një autor, që është Scaloni me stafin e tij. Është ai që ta fut gishtin në bythë (shprehje figurative), për të qenë 100%. Nëse nuk të sheh se je gati, të heq nga formacioni. Duhet t’i bëjmë një kontratë të përjetshme”.
The post Di Maria nuk ka dyshime: Ja “heroi” real i kësaj Argjentine, t’i bëjmë kontratë të përjetshme appeared first on Telesport.
