Botërori 2026 fillon më 11 qershor dhe mbaron më 19 korrik në SHBA, Kanada dhe Meksikë, me 48 kombëtare dhe 104 ndeshje. Rrethanat globale po krijojnë shqetësime të shumta për zhvillimin e tij normal.
Pjesëmarrja e Iranit në dyshim
Për shkak të konfliktit të fundit midis SHBA-së dhe Iranit, ku sulmet ajrore kanë shkaktuar tensione të mëdha, presidenti i federatës iraniane të futbollit tha se është “e pamundur që ata ta shikojnë Botërorin me besim”. Tratativat vazhdojnë mbi pjesëmarrjen e tyre, që është ende e paqartë. Nëse Irani tërhiqet, ai mund humbasë miliona dollarë dhe të përballet me gjoba apo ndalim për Botërorin 2030.
Bojkote diplomatike dhe politika e emigracionit
Për shkak të politikave të ashpra të emigracionit në SHBA, disa vende si Suedia dhe Danimarka kanë diskutuar bojkote, duke thënë se vështirësitë për tifozët mund të ndikojnë në pjesëmarrje. Në Gjermani, ideja e bojkotit është përdorur edhe si mjet presioni për çështje politike si ajo e Groenlandës.
Siguria dhe dhuna në vendet mikpritëse
Ka shqetësime për sigurinë në Meksikë, pas rritjes së dhunës së bandave të drogës. Gjithashtu, rritja e kërcënimeve terroriste pas konflikteve globale ka shtuar masat e sigurisë dhe vëmendjen mbi mundësinë e sulmeve gjatë turneut në SHBA.
Tensionet tregtare
Përplasjet ekonomike midis SHBA-së dhe Kanada/Meksikës, përfshirë tarifat doganore, kanë ndikuar në bashkëpunimin ndërqeveritar që kërkohet për organizimin e eventeve të mëdha sportive.
FIFA po monitoron situatën
Organizata ka deklaruar se do të ndjekë nga afër zhvillimet globale dhe punon me qeveritë nikoqire për të garantuar një Botëror të sigurt dhe me të gjithë kombëtaret pjesëmarrëse. Në përgjithësi, ndërsa planet për Botërorin vazhdojnë, një përzierje tensionesh politike, sigurie dhe raporte tifozësh e ka bërë situatën më të ndërlikuar se zakonisht, edhe pse organizatorët mbeten optimistë për zhvillimin e kompeticionit.
The post Dhunë, luftë dhe tarifa. 100 ditë larg startit, por Botërori është në rrezik. Çfarë po ndodh? appeared first on Telesport.
