Studentët në bllokadë në Serbi postuan në rrjetet sociale një video të dhunës brutale policore kundër qytetarëve në Novi Sad, ku shihet një anëtar i xhandarmërisë duke goditur një vajzë në kokë dhe duke i tërhequr flokët, dhe më pas duke sulmuar njerëzit që u përpoqën ta parandalonin një sjellje të tillë.
Videoja e postuar nga studentët tregon qartë momentin kur vajza i afrohet anëtarit të xhandarmërisë, dhe ai e sulmon fizikisht, duke e goditur dhe duke i tërhequr flokët.
Studentët dhe qytetarët e mbledhur reagojnë, duke i thënë të ndalet dhe duke u përpjekur ta largojnë, por ai më pas sulmon një person tjetër.
Ndryshe shtyrja e policisë ndaj qytetarëve të mbledhur në Novi Sad filloi kur qytetarët u përpoqën të pengonin policinë të largonte autobusin e Milomir Jaqimoviq, i cili ishte në grevë urie para Banovinës.
Gjatë pasdites, policia, me ndihmën e një automjeti special, erdhi për të tërhequr autobusin, i cili ishte parkuar para Banovinës gjatë ditës.
Policët përdorën mburojat e tyre për të shtyrë ashpër qytetarët, që qëndronin pranë autobusit dhe përpiqeshin ta parandalonin largimin e tij.
