Autoritetet ligjzbatuese thanë se sulmi aktualisht “po trajtohej si tentativë për vrasje, zjarrvënie dhe shkelje të rënda të armëmbajtjes”.
Policia në Suedi tha të martën se të paktën pesë persona u qëlluan në një shkollë në qytetin e Orebro-s.
Aftonbladet konfirmon se katër persona po trajtohen në Spitalin Universitar Örebro pas të shtënave.
Pesë persona janë konfirmuar se janë qëlluar, deklaroi zëdhënësi i policisë Gabriel Henning.
Policia tha se nuk kishte asnjë informacion për gjendjen e tyre dhe paralajmëroi se “rreziku nuk ka kaluar”, pasi operacioni i tyre vazhdon.
“Një operacion i madh është duke u zhvilluar aktualisht në një shkollë në Västhaga, Orebro”, thanë forca e policisë kombëtare suedeze në një deklaratë të postuar në internet, duke u kërkuar anëtarëve të publikut “të qëndrojnë larg zonës Västhaga” ose, nëse nuk është e mundur, të qëndrojnë brenda shtëpive të tyre.
“Operacioni ka të bëjë me kërcënimet e dhunës vdekjeprurëse”, tha policia.
Autoritetet ligjzbatuese thanë se sulmi aktualisht “po trajtohej si tentativë për vrasje, zjarrvënie dhe shkelje të rënda të armëmbajtjes”.
Ligjet e Suedisë për posedimin e armëve të zjarrit janë strikte, me “të drejtën për të poseduar armë, edhe për qëllime mbrojtjeje”, duke kërkuar një licencë të dhënë vetëm me leje të qartë nga forca e policisë, e cila duhet të aplikohet përpara çdo blerjeje të synuar.
Një pronar i licencuar i armës duhet ta mbajë dokumentin me vete gjatë gjithë kohës kur posedon një armë dhe ligji mbulon jo vetëm armët e zjarrit, por edhe armët që gjuajnë ose përdorin gaz lotsjellës.
