Kryendeshja kampionale në hendboll, ka përfunduar pa fitues, 31:31.
Deri në këtë duel të vlefshëm për xhiron e 25-të të Superligës së Kosovës, Rahoveci kishte plot 24 fitore rresht, por sonte u ndal përballë Kastriotit.
Pavarësisht kësaj, “Vreshtarët” vazhdojnë ta udhëheqin renditjen tabelare me 49 pikë, dhjetë më shumë se kundërshtari i sotëm që qëndron i dyti.
Edhe fraksioni i parë në palestrën “Mizahir Isma” u mbyll baras, 16:16, transmeton klankosova.
Ferizajasit ishin afër të merrnin pikët e plota, pasi avancuan në fund 31:30, por goli i Ardit Tafilaj, e vendosi epilogun përfundimtar.
Egzon Gjuka i skuadrës vendase ishte lojtari më i dalluar me nëntë gola, kurse një më pak e shënoi Deniz Terziqi i mysafirëve.
