Kylian Mbappé nuk do t’i nënshtrohet një ndërhyrjeje kirurgjikale. Sulmuesi francez, pavarësisht problemeve me gjurin e majtë, nuk do t’i nënshtrohet një ndërhyrjeje kirurgjikale. Lajmi është zyrtar dhe u njoftua nga Real Madrid përmes raportit të zakonshëm mjekësor.
“Pas ekzaminimeve të kryera ndaj lojtarit tonë Kylian Mbappé nga specialistë mjekësorë francezë, nën mbikëqyrjen e shërbimeve mjekësore të Real Madrid, është konfirmuar diagnoza e një shtrembërimi të gjurit të majtë, si dhe përshtatshmëria e trajtimit konservator që ai po i nënshtrohet aktualisht. Progresi i tij do të monitorohet.”
Pavarësisht se gjendja e francezit është shqetësuese, klubi do të përpiqet ta ketë atë të gatshëm për ndeshjen e dytë të raundit të 16-të të Champions League kundër Paris Saint-Germain.
Trajneri i Real Madrid, Alvaro Arbeloa, komentoi së fundmi për këtë çështje: “Ne e dimë saktësisht se çfarë ka Kylian. Ne duam që ai të kthehet 100%, me besim dhe me sigurinë më të madhe të mundshme, vetëm kur të jetë shëruar plotësisht dhe pa dhimbje.”
The post Dëmtimi i Mbappe, Real Madrid merr vendimin përfundimtar për të ardhmen e lojtarit appeared first on Telesport.
