Janë publikuar pamje të reja nga plagosja e dy personave në Pejë.
Nga incidenti me armë zjarri, dy persona kanë mbetur të plagosur. Njëri prej tyre po trajtohet në Spitalin e Pejës, ndërsa tjetri është dërguar për trajtim në Qendrën Klinike Universitare të Kosovës, raporton Telegrafi.
I dyshuari për këtë ngjarje tashmë është arrestuar dhe ndodhet në mbajtje.
Pamjet e reja të publikuara nga “Betimi për Drejtësi” tregojnë momentin kur i dyshuari del nga një garazh dhe qëllon me armë zjarri në drejtim të viktimave./Telegrafi/
