Deco foli për aktualitetin e Barcelonës në “Cadena Ser”, pas fitores në Superkupë, duke u ndalur te Lewandowski dhe Ter Stegen. Për Superkupën: “E fituam, ky ishte objektivi. Barça–Real ka shumë jehonë dhe dimension”. Për shkarkimin e Xabi Alonso: “Më surprizoi pak; ishte në fillim të punës. Pa qenë në përditshmëri, është e vështirë të gjykosh”.
Për “roje nderi” të refuzuar nga Reali: “Nga këndvështrimi sportiv duhet bërë; pas humbjes merren vendime të nxituara, është e kuptueshme”. Marrëdhëniet me Realin: “Këto janë çështje institucionale të presidentit Laporta. Kur ka tema publike të ndërlikuara, gjithçka bëhet më e tensionuar”.
Finalja: “Reali është gjithmonë i rrezikshëm; ndeshjet vendosen në detaje. Nuk mendoj se bëri ndeshje të keqe”. Për Raphinha: “Po kthehet në nivelin më të mirë, është lojtar kyç për ne”. Për Lewandowski: “Është ndër sulmuesit më të mirë, kyç për ne. Varet nga ai; ka edhe një vit kontratë. Nuk i dimë planet e tij. Do të ulemi dhe flasim, por tani s’është momenti”.
Për Flick: “Trajner i madh; ka edhe një vit kontratë”. Për Ter Stegen: “S’ka asgjë për dalje; jemi të kënaqur”. Për vënien e emrit të Messit stadiumit “Camp Nou”: “Vendime të tilla merren kur personat s’janë më”.
The post Deco mban pezull qëndrimin e Lewandowskit: Varet nga ai, nuk i dimë ende planet që ka appeared first on Telesport.
