Janë zbuluar 8 kundërshtarët e Manchester City në Champions League. Skuadra e Pep Guardiolës do të ketë dy transfertat në Spanjë, kundër Real Madridit dhe Villarrealit, si dhe udhëtime në Mynih e Norvegji kundër Bodo/Glimt. Në “Etihad” do të zbresin gjermanët e Borussia Dortmundit dhe Bayer Leverkusen, turqit e Galatasaray dhe Napoli, skuadra e re e ish-yllit të “qytetarëve”, Kevin De Bruyne.
Drejtori sportiv, Hugo Viana, komentoi shortin për kanalet zyrtare të klubit: “Çdo skuadër dëshiron të marrë pjesë në Champions League, prandaj jemi shumë të lumtur dhe krenarë. Do të ketë shumë ndeshje të bukura. Ana pozitive është se kemi shmangur udhëtime shumë të gjata. Ky është një avantazh, duke marrë parasysh numrin e madh të ndeshjeve që na presin. Nga shtatori e tutje kalendari do të jetë shumë i ngjeshur, do të jetë sfiduese për ne, ndaj shmangia e udhëtimeve të gjata është padyshim një element pozitiv”.
Për sa i përket kundërshtarëve: “Do të përballemi me skuadra shumë të forta si Real Madridi, është viti i pestë radhazi që luajmë kundër të bardhëve. Është gjithashtu shumë pozitive të mund ta mirëpresim Kevin De Bruyne në shtëpi (në ‘Etihad’), legjendën tonë. Do të jetë e mrekullueshme ta rishohim. Besoj se Pep dhe gjithë stafi i tij do të jenë shumë të lumtur ta përqafojnë sërish, ashtu si edhe tifozët tanë. Do të jetë një moment shumë emocionues, do të jemi vërtet të lumtur ta shohim përsëri”.
Për eksperiencën e tij si drejtues i Manchester City, pas marrjes së detyrës nga Begiristain, Viana shtoi: “Ka qenë një kënaqësi, një mundësi e madhe për të mësuar. Ka pasur shumë momente të rëndësishme për mua. Sigurisht, jam shumë i entuziazmuar të jem në Premier League, me këtë klub të jashtëzakonshëm dhe të përjetoj eksperiencën time të parë në Champions League me Manchester City. Është gjithmonë një nder”.
The post De Bruyne kundër City në Champions, drejtori Viana: Mrekulli ta rishohim legjendën tonë në “Etihad” appeared first on Telesport.
