Dani Alves u shpall i pafajshëm nga Gjykata e Lartë më 28 mars 2025 për akuzën e agresionit seksual, pasi më parë ishte dënuar me 4 vite e gjysmë burg. Tani i lirë dhe pa akuza, ish-futbollisti brazilian jeton i përkushtuar ndaj fesë, në rrjete sociale qarkullojnë video ku ai shfaqet si predikues ungjillor në një kishë në Girona. “Duhet të keni besim, vëllezërit e mi, unë jam prova e kësaj”, – thotë ai.
Me mikrofon në dorë, Alves shprehet: “Atë që premton Zoti, e mban. I thashë: Zot, dua të bëj një pakt me Ty. Unë do të të shërbej, por Ti kujdesu për shtëpinë time. Preki zemrat”. Në Instagram përshkruhet si “nxënës i Krishtit Jezus”.
Në një tjetër video iu drejtohet të rinjve: “Mund të jeni të famshëm, mund të jeni të pasur…, por mos e hiqni Jezusin nga rruga juaj. Nëse e bëni, do të hyni në errësirë, ashtu sikurse hyra unë”. Ai shton: “Mos mendoni se Zoti atje lart është larg jush, që jeni këtu”.
The post Dani Alves, nga burgu në predikues ungjillor: Besoni në Zot, unë jam prova e mrekullisë… appeared first on Telesport.
