Diogo Dalot nuk e fshehu zhgënjimin e tij pasi Manchester United u eliminua në mënyrë tronditëse nga Kupa Carabao, nga skuadra angleze e kategorisë së katërt Grimsby Toën me penallti: “Nuk luajtëm mirë, veçanërisht në pjesën e parë”, tha mbrojtësi portugez.
“Ne ua dhamë atyre lojën dhe fitoren. U dhamë pikërisht atë që donin: fitore në duele, shanset e dyta për top. U përpoqëm të reagonim; ishte më e pakta që mund të bënim për tifozët që na mbështetën“, shtoi Dalot
“Nuk mund të mendojmë se gjithçka këtu është e lehtë sepse ne jemi Manchester United. Ata luftuan për të merituar kualifikimin. Por kjo nuk duhet të kishte qenë e mjaftueshme për të na mposhtur; ne duhet të kishim bërë shumë më tepër“, tha Dalot.
“Dështimi nuk ka të bëjë vetëm me cilësinë, por edhe me standardet minimale të kërkuara në çdo ndeshje. Mënyra më e mirë për të respektuar Grimsby do të kishte qenë të luanim 100%. Mendoj se është diçka për të cilën duhet të punojmë dhe të përmirësohemi në të ardhmen“, përfundoi Dalot.
The post Dalot: Nënvlerësuam kundërshtarin dhe e pësuam, nuk i respektuam dhe ua falëm fitoren appeared first on Telesport.
