Portieri i Real Madridit, Thibaut Courtois, foli para mediave në prag të sfidës ndaj Benfica, duke u fokusuar kryesisht te polemikat rreth rastit “Prestianni” dhe akuzave për racizëm. Belgu theksoi se çelësi për kualifikimin është nisja e fortë dhe mbështetja e tifozëve në “Bernabéu”, pasi rezultati mbetet i rrezikshëm. Një gol i kundërshtarit mund të barazojë gjithçka. Megjithatë, tema kryesore ishte mbrojtja e Vinícius Júnior. “Nuk mund të justifikohet një akt i dyshuar racizmi për shkak të një festimi”, – deklaroi ai, duke shtuar se ekipi i beson plotësisht brazilianit.
Courtois kërkoi që UEFA të japë një mesazh të fortë kundër racizmit, duke theksuar se është momenti për t’iu dhënë fund këtyre episodeve në futboll. Ai komentoi edhe deklaratat e José Mourinho dhe José Luis Chilavert, duke i cilësuar të papërshtatshme, ndërsa shtoi se institucionet duhet të marrin vendimet përfundimtare:
“A më ka zhgënjyer Mourinho? Mourinho është Mourinho dhe si trajner gjithmonë do të mbrosh klubin tënd. Më shqetëson përdorimi i festimit të Vinicius, sepse kur i shënojnë Real Madridit, festimet janë dyfish apo trefish më të mëdha. Ka ndodhur dhe duhet ta lëmë pas. Ka ndodhur dhe nuk mund ta justifikojmë një akt të dyshuar racizmi për shkak të një festimi.
Fjalët e Chilavert? Është gjithashtu për të ardhur keq, nuk mund të thuhen gjëra të tilla. Nuk kanë vend në botën e sotme. Deklaratat e Rui Costa? Përdorimi i rastit të Fede nuk ka asnjë lidhje. Nuk kishte qëllim të godiste një kundërshtar. Sa i përket Prestianni, është e vështirë, gjithmonë do të jenë fjalë kundër fjalëve të tjetrit.
Ne jemi 100% me Vinicius, i cili ka përjetuar shumë dhe nuk ka thënë kurrë diçka të tillë. Ai e dëgjoi 100%, ashtu siç e ka dëgjuar shumë herë, unë i besoj 100%. Meqë ai mbuloi gojën, nuk do ta dimë kurrë. Edhe Benfica do ta mbrojë lojtarin e saj, por ne nuk mund të bëjmë më shumë. Tani i takon UEFA-s dhe institucioneve”.
The post Courtois kundër Mourinho dhe Chilavert: Racizmi nuk justifikohet nga një festim appeared first on Telesport.
