Pas humbjes kundër Atalanta fundjavën e kaluar, skuadra e Napoli ka rinisur stërvitjen në Castel Volturno për t’u përpjekur të rikthehet në rrugën e duhur, duke u përqendruar në ndeshjen e së shtunës kundër Verona.
Siç raportohet nga klubi napoletan në një deklaratë, ka edhe disa lajme të mira për Antonio Conte. “Kevin De Bruyne është rikthyer në qendrën stërvitore të Napoli për të vazhduar dhe përfunduar stërvitjen e tij“, thuhet në deklaratë.
Është ende herët për ta parë belgun përsëri në fushë, por ish-lojtari i Manchester City më në fund ka hyrë në fazën e fundit të rikuperimit të tij nga dëmtimi i kofshës së pasme që pësoi më 25 tetor kundër Inter.
De Bruyne ende ka disa punë individuale për të bërë para se të kthehet në skuadër. Sipas mediave, 34-vjeçari mund të jetë i disponueshëm në mesin e marsit e mund të kthehet për ndeshjen në shtëpi kundër Lecce, më 15 mars.
Pra, ylli i Napoli duket se më në fund po sheh dritën në fund të tunelit dhe mund të jetë një armë shtesë në garën për vendin e katërt në Serie A. Dhe, gjithashtu për Belgjikën përpara Kupës së Botës.
The post Conte merr lajmin e shumëpritur: De Bruyne rikthehet në stërvitje pas 5 muajsh, në fushë brenda 15 marsit appeared first on Telesport.
