Pas fitores 2-1 ndaj Juventusit, Antonio Conte lavdëroi Napolin: “Në një moment me vështirësi shumë të mëdha numerike po bëjmë diçka të jashtëzakonshme. Kushdo që luan, përgjigjet gjithmonë, i gatshëm dhe me personalitet të madh. Djemtë janë rritur shumë dhe kjo më mbush me krenari”. Sipas tij, “skuadra e ndjen momentin e veçantë që po kalojmë dhe jep përgjigjet e duhura”.
Ndër shtyllat kryesore përmend Scott McTominay: “Edhe Scott, si të gjithë të tjerët, po tregon ndërgjegjësim, përgjegjësi dhe rritje”. E njëjta gjë vlen për Elmas: “Ishte hera e parë që luante në mesfushë”. Conte thekson se Napoli është përballur me Atalantën, Romën, Manchester City në Champions dhe Juventusin “në emergjenca të vazhdueshme”, ndaj mbetet “i mahnitur nga entuziazmi dhe energjia”.
Në prag të ndeshjes ndaj Benfica në Champions: “Tani duhet të pushojmë. Mund t’i ndryshojmë fazat, të presojmë lart. Sot pësuam vetëm dy goditje, patëm rigorozitet të madh taktik”.
The post Conte feston: Shpirt, kompaktësi dhe maturi. Këto djem janë të pabesueshëm. Faleminderit! appeared first on Telesport.
