Cristian Chivu shijon fitoren 5-0 ndaj Sassuolos në “Mapei Stadium”, por i mban këmbët në tokë. Për “Sky Sport” ai analizoi: “Të kuptosh momentet e ndeshjes, të përballosh presionin në minutat e para dhe të jesh konkret para portës tregon rritjen dhe pjekurinë tonë. Janë detaje të vogla që bëjnë diferencën. Sassuolo na vuri në vështirësi në fillim, por qëndruam në lojë dhe dyfishuam”.
Në DAZN shtoi: “Titulli 75%? Për mua është 0%. Kanë mbetur 14 ndeshje dhe shumë skuadra janë në garë. Ka ende shumë për të bërë”. Për Inter-Juve, fundjavën e ardhshme: “Është një ndeshje si të tjerat dhe do të vlejë 3 pikë. Jemi të vetëdijshëm për pritshmëritë gjithmonë të larta ndaj kësaj skuadre. Kemi të gjithë javën në dispozicion, pas një kohe të gjatë, do të shohim si do të përgatitemi. Jemi krenarë për gjithçka që kemi bërë”.
Interi kryeson me +8 pikë nga Milani: “Duhet të pranojmë rritjen e dy muajve e gjysmë të fundit. Nuk kemi qenë gjithmonë dominues, por kemi qëndruar të përqendruar dhe me përulësi. Kampionati është maratonë, vlejnë 3 pikët. Duam të jemi konkurrues deri në fund të majit”.
The post Chivu: Titulli 75%? Për mua është 0%, kampionati mbetet ende maratonë… appeared first on Telesport.
