“E vështirë ta mbash nivelin, por po përpiqem…” Pas ndeshjes me Bologna, Cristian Chivu mungoi në intervistat televizive për shkak të humbjes së zërit dhe në vend të tij foli zëvendësi, Aleksandar Kolarov: “Fitore e madhe, por shumë raste të humbura? Edhe në Riad i shfrytëzuam pak rastet, sonte donim të ishte ndryshe. Skuadra, nga këndvështrimi ynë, nisi të luajë mirë që nga minuta e parë”.
Sërish vendimtar ishte Lautaro: “Është kapiteni dhe lideri ynë. Dua të theksoj se ai luan kështu edhe në stërvitje, nuk gabon kurrë. Pozicioni i tij ishte i përgatitur kështu; ai di shumë mirë si dhe ku të lëvizë, si te rasti i golit të parë”.
Kush bërtet më shumë, Chivu apo Inzaghi? “Chivu duket i qetë, por nuk është aspak, – zbuloi Kolarov. – Cristian bërtet më shumë se Simone”.
Merita kryesore e trajnerit? “Nuk donim të përmbysnim gjithçka, por të shtonim diçka. Vjet skuadra ishte pranë fitimit të gjithçkaje; kemi prekur disa aspekte njerëzore dhe, me shumë punë në fushë, po marrim frytet e duhura. Me nisjen e fazës së dytë fillon një kampionat i ri, jemi të parët dhe duam të qëndrojmë aty, por ka ende shumë punë”.
The post Chivu pa zë, flet Kolarov: Bërtet më shumë se Inzaghi, nga kthimi nis një kampionat i ri appeared first on Telesport.
