Kanë përfunduar dy ndeshjet e para për sot në Champions League. Në Stamboll, Galatasaray mori fitoren e dytë rresht, pas fitores 1-0 ndaj Liverpool, sot fitoi 3-1 ndaj debutuesëve të Bodo/Glimt.
Për turqit shënoi i zakonshmi Victor Osimhen, në minutën e tretë, pas asistit të Mario Lemina. Në minutën e 33-të ishte sërish Osimhen që gjeti rrjetën, duke përfituar nga një top i kthyer mbrapsht gabim nga miqtë. Yunus Akgun shënoi golin e tretë në minutën e 60-të, pas një topi të humbur sërish nga norvegjezët.
Në minutën e 70-të, Bodo/Glimt shënoi golin e nderit me Andreas Helmersen në minutën e 75-të. Pas kësaj fitoreje, Galatasaray mban vendin e 11-të me 6 pikë, ndërsa Bodo/Glimt ka vetëm 2 pikë. SHIKOGOLAT
Qarabag ka pësuar humbjen e parë, pas dy fitoreve rresht. Kampionët e Azerbajxhanit janë mundur 2-1 në “San Mames” nga Athletic Bilbao. Miqtë shënuan të parët që në sekondën e 50-të me Leandro Andrade, pas një kundërsulmi të shpejtë. Barazimi i baskëve erdhi në minutën e 40-të me Gorka Guruzeta.
Robert Navarro i dha avantazhin Bilbaos në minutën e 70-të, me një supergol nga kufijtë e zonës së rreptësisë. Gorka Guruzeta vulosi fitoren 3-1 me golin e dytë personal në minutën e 87-të. Pas humbjeve ndaj Arsenal dhe Dortmundit, baskët marrin tre pikët e para në Champions League.
The post CHAMPIONS LEAGUE: Galatasaray nuk e diskuton Bodo/Glimt, Qarabag bie në Bilbao (video) appeared first on Telesport.
