Antonio Cassano, në podcastin Viva el Futbol ku ishte i ftuar Gianluigi Buffon, riktheu në kujtesë episodin famëkeq të golit të Muntarit në sezonin 2011-2012, të mohuar nga arbitri dhe asistentët. “Unë, për Zotin, humba titullin atë vit…, por për mua Juve nuk vodhi asgjë, kishte një skuadër shumë të fortë”, – tha Cassano, duke surprizuar me tonin e tij.
Buffon, që atëherë ndaloi topin brenda vijës së portës, u mbrojt duke thënë: “Jo, por nuk ishte brenda…” Arbitri Paolo Tagliavento dhe asistenti Romagnoli nuk e panë golin, ndeshja përfundoi 1-1, duke ndikuar në garën për titull mes Milanit dhe Juventusit.
Vite më vonë, Tagliavento e pranoi: “Ishte njolla më e madhe e karrierës sime. Vetëm asistenti mund ta shihte topin; nga pozicioni im nuk mund të thoja të kundërtën”. Cassano përfundoi me humor: “E thashë këtë vetëm për t’i prishur qetësinë Gigit”.
The post Cassano rishkruan në prani të Buffonit historinë e golit fantazë të Muntari: Juventusi nuk na vodhi asgjë… appeared first on Telesport.
