Michael Carrick shprehu entuziazmin e tij për rikthimin te Manchester United si trajner i ekipit të parë. “Është një nder të kem përgjegjësinë e drejtimit të këtij klubi të jashtëzakonshëm”, tha Carrick.
“E di se çfarë duhet për të pasur sukses këtu dhe fokusi im tani është të ndihmoj lojtarët të arrijnë standardet që presim. Kam punuar me shumë prej tyre dhe i kam ndjekur nga afër gjatë viteve të fundit”, shtoi legjenda e United.
“Besoj plotësisht në talentin e tyre, përkushtimin e tyre dhe aftësinë e tyre për të pasur sukses këtu“, tha Carrick, që në 464 ndeshje zyrtare si lojtar me “djajtë e kuq” ka shënuar 24 gola.
Carrick theksoi rëndësinë e të qëndruarit të përqendruar në të tashmen: “Ka ende shumë për të arritur këtë sezon. Jemi gati t’i bashkojmë të gjithë dhe t’u japim tifozëve tanë performancat që meritojnë për besnikërinë e tyre të jashtëzakonshme.”
The post Carrick rikthehet në shtëpi: E di se çfarë na duhet për ta rikthyer Manchester United në elitë appeared first on Telesport.
