Vinicius ka kontratë me Real Madridin deri në qershor 2027, por e ardhmja e tij po shqetëson në “Santiago Bernabéu”. Klubi duhet të veprojë më 2026 nëse nuk do të rrezikojë që braziliani të largohet falas vitin pasues. Opsionet janë të qarta: rinovim ose studim për një shitje të mundshme.
Debati u ndez pasi Vinicius nuk po kalon momentin më të mirë dhe publiku i Madridit e shoqëroi me fishkëllima ndaj Sevilla. Përgjigja e tij në Instagram pas zëvendësimit e shtoi tensionin.
Në këtë situatë, Santi Cañizares analizoi situatën e tij: “Vlera e tij, nëse lidhet me atë që po bën Vinicius, nuk përkon me shifrat që po përfliten për rinovimin dhe mund të jenë mbi tavolinë. Në fakt nuk përkon as me vlerën e tij dhe as të shumicës së lojtarëve të Real Madridit”.
Cañizares shtoi: “Futbollisti po i thotë agjentit të bëjë presion sepse kontrata është e shkurtër dhe mbaron shpejt. Klubi do të duhet të paguajë për pritshmëritë dhe për atë që ka qenë, sepse ishte një lojtar i madh, që pothuajse fitoi ‘Topin e Artë’, fitoi një Champions duke shënuar”.
The post Cañizares për Vinicius: Vlera e tij nuk përkon me shifrat e rinovimit që po kërkon appeared first on Telesport.
