“Kur je Milani, objektivi është gjithmonë të fitosh kampionatin, të paktën kështu më kanë mësuar mua”. Këto janë fjalët e Marcos Evangelista de Moraes, i njohur si Cafu, në një intervistë për “Tuttosport” mbi sezonin e kuqezinjve. Ai vlerëson edhe Luka Modrić: “Në moshën 40-vjeçare, ai bën ende diferencën. Milani ka bërë një goditje të madhe që e mori në verë”.
“Firma” në pankinë është ajo e Massimiliano Allegrit: “Për zgjedhjen e tij nuk kisha dyshime që në verë”. Cafu e sheh garën për titull në Serie A shumë të hapur: “Ka shumë konkurrencë për ‘scudetto’. Përveç Napolit dhe Interit, kujdes edhe Romën e Juventusin”.
Duke folur për Romën, ai përmend Wesley, që për disa është “Cafu i ri”: “Është një lojtar i madh, jam i lumtur që po ecën shumë mirë”. Për Bremer te Juventusi: “Është një futbollist i jashtëzakonshëm. Nëse ndihet mirë fizikisht, është mbrojtësi më i mirë i Serie A”.
Për kombëtaren braziliane shtoi: “Vendimet i merr Ancelotti, shpresojmë të fitojë Botërorin 2026”.
The post Cafu: Kur je Milani, objektivi është gjithmonë të fitosh titullin. Modric, super blerje appeared first on Telesport.
