Legjenda braziliane Cafu ka analizuar potencialin e Portugalisë, duke theksuar se talenti individual nuk mjafton pa unitet dhe identitet të qartë në fushë. Sipas tij, çelësi i suksesit qëndron te forca e grupit:
“Portugalia ka lojtarët më të mirë në klubet më të mira në Europë. Individualisht, askush nuk është më i mirë se Portugalia. Ajo që i mungon Portugalisë është uniteti, bindja për të ditur për kë luajnë, si, dhe pse. Kjo është e vetmja mënyrë që ata të fitojnë Kupën e Botës.
Kështu luajtëm ne në vitin 2002. Mendonim: ‘Le të luajmë për Ronaldon dhe Rivaldon.’ Kaq ishte. Grupi mori vendimin dhe prej aty gjithçka funksionoi. Sapo Portugalia ta kuptojë këtë, do të jetë e pandalshme”.
The post Cafu: Individualisht, asnjë kombëtare nuk është më e mirë se Portugalia appeared first on Telesport.
