Shukri Buja i vazhdon takimet edhe në orët e vona të mbrëmjës. Kandidati për kryetar të Lipjanit nga radhët e PDK-së ka takuar sonte banorët e Rubofcit.
“Ditën e sotme e përmbyllëm me kafen e mbrëmjes në Rubofc, së bashku me banorët e këtij fshati mikpritës. Në shoqëri të Agronit, (Agron Zaskoku), kandidatit tonë për Kuvend Komunal, bashkëbiseduam hapur për sfidat me të cilat përballen banorët e Rubofcit dhe Kojskës, si dhe për rolin që komuna ka në tejkalimin e tyre”, ka thënë shkruan Buja.
Ai shton se ajo që e gëzon më së shumti është pjesëmarrja aktive e grave dhe të rinjve në këtë bashkëbisedim, të cilët po tregojnë vendosmërinë për të qenë pjesë e ndryshimeve pozitive në komunën tonë. “Fitorja është e jona!”, ka shkruar në fund Buja.
Po ashtu sonte, Buja ka qëndruar edhe në Medvec, ku ka takuar shtabin e PDK-së. “Në Medvec, u dëshmua përkrahja masive dhe pritja e ngrohtë për projektin politik të PDK-së dhe kandidaturën time për Kryetar të Komunës së Lipjanit”, ka theksuar kandidati për kryetar të Lipjanit. /Fokusi.info/
