Blero Muharremi ka qenë së fundmi i ftuar në “Goca dhe Gra”, ku ka folur për karrierën e jetën personale.
Ai nuk i ka shpëtuar disa pyetjeve që lidhen me jetën private, e që kanë bërë bujë të madhe në media.
I njëjti ka komentuar një intervistë ku kishte folur për ish-gruan e tij, Afrona Dikën, menjëherë pas ndarjes së tyre.
Këngëtari shqiptar thotë se ka pasur mllef asokohe, por që më pas ka reflektuar për gjithë historinë.
“Nuk besoj që kam folur në formë të tillë pas podcast-it me Afronën. Intervista ka qenë po vitin kur jemi ndarë me Afronën, podcast-i ka ndodhur më vonë. Ka qenë një mllef brenda meje. Ka qenë forma e largimit dhe ndarjes”, u shpreh ai.
Tutje tha: “Me kohë e mendon e analizon, e kupton jam ngutur pak. Shtatë vite me Afronën, mandej sigurisht që njeriu është me mllef në momentin kur ndodhi ndarja”.
I pyetur nëse ka ndjenja akoma për të, artisti i njohur flet prerë dhe qartë, si një sqarim të fundit për publikun.
“Ka ndjenja mirësie. Unë jam një tip i cili kur të kryej diçka, për mua kurrë merr fund diçka merr fund. Ia dëshiroj më të mirat”, shtoi mes tjerash.
