Humbin jetë dy pushues në plazhin e Durrësit dhe Gjirit të Lalëzit. Një pushuese 50-vjeçare ka ndërruar jetë në plazhin e Durrësit. Ajo është futur në det për t’u larë por nuk është ndjerë mirë. 50-vjeçarja është dërguar në Spitalin Rajonal Durrës, ku ka ndërruar jetë
Ndërsa një 33-vjeçar me iniciale B.M. ka ndërruar jetë tek Gjiri i Lalëzit. Ai ka qenë duke udhëtuar me motor uji dhe pasi është rrëzuar, është mbytur. Mësohet se në momentin e ngjarjes në këtë zonë plazhi nuk ka pasur roje bregdetare, ndërsa ai është dëguar në spital nga disa pushues të tjerë por nuk ka arritur të mbijetojë.
Ndërkohë po sot, dy persona kanë rrezikuar kanë rrezikuar mbytjen në Vlorë dhe në Velipojë por kanë arritur të shpëtohen falë ndërhyrjes së rojeve bregdetare.
Një 28-vjeçar nga Kosova është shpëtuar nga rojet bregdetare në plazhin e Velipojës. Vrojtuesi Eldi Hasani ka shpëtuar turistin 28-vjeçar i cili e ka transportuar në breg duke i dhënë ndihmën e parë mjekësore deri sa më pas në vendngjarje ka mbërritur ndihma e specializuar mjekësore.
Ndërsa një vajzë 9-vjeçare është shpëtuar nga rojet bregdetare në zonën afër Rrapit tek Uji i Ftohtë.
Për shkak të dallgëve të forta, ditën e sotme në portin e Vlorës, është pezulluar lundrimi i mjeteve me mbi 12 pasagjerë.
