Barcelona mori një tjetër fitore në La Liga pasi mundi Elche në Montjuïc me rezultatin 3-1, falë golave të Lamine Yamal, Ferran Torres dhe Marcus Rashford. Le të ndalemi tek i pari prej tyre. Talenti nga Rocafonda shënoi golin e tij të tretë këtë sezon në kampionat, pas atyre kundër Mallorca dhe Rayo Vallecano, dhe të katërtin në total, duke përfshirë edhe atë në Ligën e Kampionëve kundër Olympiacos.
Që nga debutimi me ekipin e parë më 29 prill 2023, Yamal ka marrë pjesë në 80 ndeshje të La Liga-s, duke shënuar 17 gola dhe dhënë 27 asistime. Shifra të jashtëzakonshme për një lojtar që sapo ka mbushur 18 vjeç. Pikërisht për këtë arsye, ai është shumë afër një rekordi që aktualisht e mban Kylian Mbappé në fillimet e tij si profesionist. Sulmuesi aktual i Real Madridit është futbollisti me më shumë gola në 5 ligat e mëdha të Europës përpara se të mbushte 19 vjeç: 23 gola, të shënuar me fanellën e Monaco dhe PSG.
Kështu, numri 10 i Barcelonës ka ende 27 ndeshje të La Liga-s përpara për të shënuar 7 gola më shumë dhe tejkaluar rekordin që vendosi francezi në Ligue 1. Lamine Yamal do të mbushë 19 vjeç më 13 korrik 2026, ndaj mundësia për ta bërë të tij këtë rekord zgjat deri në fund të këtij sezoni. Me shumë gjasa do t’ia dalë.
The post Betejë yjesh në La Liga, ja rekordi që Yamal tenton t’ia rrëmbejë Mbappé-s appeared first on Telesport.
