Ish-zëvëndëskryeministri Besnik Bislimi ia ka lëshuar sot zyrën e tij në Qeveri, Glauk Konjufcës, të cilin Kurti e ka bërë zëvendës të parë dhe shef të diplomacisë.
Bislimi e ka uruar Konjufcën për angazhimin e ri dhe ka thënë se beson që Konjufca bashkë me ekipin e tij do të vazhdojnë punët e mbara në interes të vendit.
“Mirëprita Zëvendëskryeministrin e Parë njëherësh Ministër i Punëve të Jashtme dhe Diasporës të Qeverisë Kurti III, Glauk Konjufca, për të bërë dorëzimin e detyrës.
I urova sa më shumë suksese në angazhimin e ri, me bindjen e plotë se Glauku bashkë me ekipin e tij, do të vazhdojnë punët e mbara dhe shërbejnë për interesat e vendit gjatë këtij mandati qeveritar”, ka shkruar Bislimi.
