Vizita e kryetarit të PDK-së, Bedri Hamza, në Uashington ka nxitur shumë reagime në vend. Takimi i tij më këshilltar të presidentit Donald Trump në Shtëpinë e Bardhë është parë si shpresë për rikuperimin e raporteve në mes të dy vendeve. Derisa i pari i PDK-së po e realizon këtë vizitë të rëndësishme në ShBA, lideri i VV-së, Albin Kurti, është “zhdukur” në ditët e fundit.
I pari i VV-së nuk është parë në asnjë aktivitet publik të premten dhe të shtunën, raporton Nacionale.
Kurti nuk ka marrë pjesë as në ceremonitë për nder të 28 Nëntorit, të cilat organizohen nga institucionet e Kosovës.
Delegacioni shtetëror për homazhe në Prekaz, për nder të 28 Nëntorit, është udhëhequr nga ish-kryetari i Kuvendit, Dimal Basha, dhe zëvendëskryeministri në detyrë Besnik Bislimi.
Ai nuk është parë as në ceremonitë e organizuara nga shtetit në Vlorë, ku ka marrë pjesë presidentja Vjosa osmani dhe disa ministra në detyrë.
Festen më të rëndësishme të shqiptarëve Kurti e ka uruar vetëm përmes një statusi në profilin e tij në “Facebook”.
Në urimin e tij të gjatë, ai nuk ka nxjerr ndonjë fotografi të tij
“Natyrisht, si komb evropian, sytë i kemi të kthyer kah e ardhmja, kah një Nëntor i Tretë, që duhet të vijë nëpërmjet përpjekjeve tona, punës dhe përkushtimit tonë të vazhdueshëm. Ky Nëntor i Tretë, edhe nëse nuk do të bjerë në këtë ditë, edhe nëse nuk do të jetë muaj i nëntorit, ne mund ta pagëzojmë që sot si 28 Nëntori ynë i Tretë. Atëherë amaneti i të gjithë atdhetarëve shqiptarë, të gjallë e të vdekur, do të përmbushet. Urojmë që kjo ditë të vijë sa më shpejt! Vëllezër shqiptarë e motra shqiptare, kudo që gjendeni, mes familjeve e miqve tuaj, në këtë ditë gëzimi e feste”, ka shkruar Kurti.
Hera e fundit që është parë në publik kryeministri në detyrë ka qenë të enjten, në Ditën e Forcës.
Derisa Kurti nuk është bërë i “gjallë” këto ditë, vëmendjen e opinionit e ka marrë kryetari i PDK-së, Bedri Hamza, me vizitën e tij në ShBA.
Ish-zëvendëskryeministrja e Kosovës, Edita Tahiri, ka lavdëruar kryetarin e PDK-së për këtë vizitë.
Ajo ka bërë me dije se tani po fillon koha e pro-amerikanizimit në Kosovë.
Në profilin e saj në “Facebook”, ajo ka shkruar se Hamza është pari lider që është pritur në Shtëpinë e Bardhë.
“Po nis koha pro-amerikane, Bedri Hamza i pari lider qe u prit ne Shtëpinë e Bardhe perkunder asaj se pezullimi i dialogut strategjik po vazhdon me fajin e qeverise qe shkoi”, ka shkruar Tahiri.
Edhe ish-deputeti i PDK-së, Artan Behrami, ka komentuar vizitën e kryetarit të PDK-së, Bedri Hamza, në ShBA.
Ai e ka kritikuar Qeverinë Kurti për raportet me ShBA-në .
Në profilin e tij në Facebook, Behrahimi ka treguar qëllimin e kë saj vizite.
“Rikthimi i marrëdhënieve strategjike me SHBA-në!”, ka shkruar ia.
Kryetari i PDK-së, Bedri Hamza, dje ka njoftuar se është një vizitë zyrtare në Uashington.
Ai ka treguar se takimin e parë e ka pasur në Shtëpinë e Bardhë me ndihmësi special i Donald Trump.
“Në funksion të ruajtjes dhe thellimit të bashkëpunimit me Shtëpinë e Bardhë dhe qeverinë amerikane, sot në Ëashington zhvillova një takim me Charles McLaughlin, Ndihmës Special i Presidentit Donald Trump dhe Drejtor i Lartë për Evropën dhe Rusinë në Shtëpinë e Bardhë, pranë Këshillit të Sigurisë Kombëtare, si dhe me Mark Fleming, Drejtor i Zyrës për Çështjet e Evropës Perëndimore dhe Qendrore në Departamentin e Shtetit. Diskutuam për zhvillimet politike dhe ekonomike, si dhe për nevojën që institucionet e Kosovës të fokusohen në forcimin e marrëdhënieve strategjike me SHBA-në dhe në një agjendë të qartë zhvillimi”, ka shkruar Hamza në profilin e tij në Facebook, duke treguar se për çfarë i ka siguruar zyrtarët amerikan.
“I sigurova zyrtarët amerikanë se për mua dhe PDK-në, interesi shtetëror është mbi çdo gjë: përqendrim në rritje ekonomike, investime strategjike dhe riparim të plotë të marrëdhënieve me partnerët tanë ndërkombëtarë. Kosova është e bekuar me mbështetjen e popullit dhe qeverisë amerikane. Kjo mbështetje mbetet jetike në rrugëtimin tonë drejt anëtarësimit në NATO dhe BE”, ka shkruar ai.
