Atletico Madrid ka hedhur një hap të madh drejt gjysmëfinaleve të Champions League, pas fitores 0-2 ndaj Barcelonës në çerekfinalen e parë të luajtur në “Camp Nou”.
Në minutën e 42-të, Barcelona mbetet me 10 lojtarë. Pas ndërhyrjes së VAR, Pau Cubarsi largohet me karton të kuq për faullin si lojtar i fundit nga Giuliano Simeone. Goditje dënimi për Atletico Madridin, Julian Alvarez e ekzekuton në mënyrë perfekte dhe topi shkon në rrjetë. Pjesa e parë mbyllet 0-1 për Colchoneros.
Katalanasit e nisin me dy zëvendësime në pjesën e dytë. Largohen Pedri dhe Leëandoëski, futen Gavi dhe Fermin Lopez. Në minutën e 53-të, Rashford provon të shënojë nga goditja e dënimit, por Juan Musso bën një pritje shpëtimtare.
Në minutën e 72-të, Alexander Sorloth shënon golin e dytë për Atletico-n, pas krosimit të Matteo Ruggeri dhe mungesës së vëmendjes së mbrojtjes katalanase. Rezultati final 0-2. Ndeshja e kthimit do të luhet pas një jave në “Metropolitano”.
The post Barcelona shokohet në shtëpi, Atletico me fitore madhe në “Camp Nou” (video) appeared first on Telesport.
