Barcelona e Hansi Flick po shfaqet si një skuadër që ngjall frikë dhe respekt te kundërshtarët, falë një strukture të menduar deri në detaje dhe fleksibiliteti të jashtëzakonshëm taktik.
Me afrimin e Marcus Rashford dhe turin aziatik që shërbeu si “laborator eksperimentesh”, trajneri gjerman dhe drejtori sportiv Deco kanë ndërtuar një grup ku shumica e lojtarëve mund të luajnë në disa role, duke ofruar zgjedhje të pafundme sipas nevojave të ndeshjes.
Përjashtim bëjnë vetëm portierët dhe Robert Lewandowski, i vetmi qendërsulmues i pastër. Kjo qasje e re e bën Barcelonën më të paparashikueshme, më të adaptueshme dhe më të përgatitur për çdo skenar që mund të rezervojë sezoni.
Ky dizajn fleksibël e lejon Flick ta ndryshojë formacionin e Barcelonës në çdo moment, duke e bërë ekipin më të paparashikueshëm dhe më të përgatitur për sfida të ndryshme që dalin gjatë lojës në një ndeshje, ose gjithë sezonit.
Porta – Ky repart do ketë më pak rotacione. Joan García është zgjedhur si titullar, pas pagesës së klauzolës prej 25 milionë eurosh tek Espanyol. Flick kërkoi gjithashtu rinovimin e Szczesny edhe dy sezone për të pasur një portier me përvojë. I treti në hierarki është Diego Kochen nga akademia. Situata e Ter Stegen mbetet problematike për shkak të konfliktit me klubin dhe dëmtimit të shpinës. Iñaki Peña ka oferta dhe pritet të largohet.
Mbrojtja – Rikthimi i Ronald Araújo dhe promovimi i Jofre Torrents shtojnë alternativat. Sezonin e kaluar, linja Koundé-Cubarsí-Íñigo Martínez-Balde ishte baza, por këtë sezon Araújo pritet të zëvendësojë Íñigo e larguar drejt Al Nassr (Arabinë Saudite). Koundé, Eric García, Araújo dhe Gerard Martín mund të luajnë si qendërmbrojtës ose mbrojtës krahu. Marc Casadó gjithashtu mund të mbulojë krahun e djathtë.
Mesfusha – Frenkie de Jong dhe Pedri janë titullarët e padiskutueshëm në rolin e dyshes së mesfushës. Gavi dhe Casadó rivalizojnë për hapësirë në formacionin blaugrana, ndërsa Marc Bernal po rikuperohet nga një dëmtim i rëndë. Fermín López mund të luajë aty, por preferon rolet më ofensive. “Trofeu Gamper” tregoi se ai është një element shumë i spikatur finalizues.
Sulmi – Tridenti kryesor është Yamal-Raphinha-Lewandowski, por Flick ka shumë opsione shtesë. Rashford dhe Ferran Torres mund të luajnë në çdo pozicion ofensiv. Raphinha mund të kthehet në të djathtë, ndërsa Fermín Lopez dhe Balde mund të shfrytëzohen nga e majta. Në rolin e nr.10, Dani Olmo shihet si titullar, me Fermín Lopez, Raphinha, Pedri dhe Gavi si alternativa.
The post Barcelona “kameleon” e Flick për sezonin e ri, më e paparashikueshmja në Europë appeared first on Telesport.
