Marcus Rashford dhe Barcelona janë gjithnjë e më afër një marrëveshjeje përfundimtare. Pas huazimit verën e kaluar, katalanasit duket se janë gati të paguajnë rreth 30 milionë euro, sipas opsionit për ta blerë lojtarin në mënyrë permanente.
Shuma është shumë larg vlerësimeve të disa viteve më parë, kur Manchester United konsideronte vetëm oferta mbi 100 milionë euro. Sipas “Sport”, klubi blaugrana synon ta mbyllë marrëveshjen sipas kushteve të dakorduara, ndërsa “Djajtë e Kuq” nuk planifikojnë ta rikthejnë sulmuesin në projektin e tyre teknik, edhe pas largimit të Ruben Amorim.
Krahasimi me të kaluarën është i pashmangshëm. Më 2020, Thomas Tuchel te PSG e bëri Rashford prioritet absolut pas një penalltie vendimtare në Champions League, duke thënë se “njerëzit nuk kuptonin sa i mirë ishte Marcus”. Ai shtyu për një investim të madh, madje u përmend edhe një krahasim me Kylian Mbappé si mundësi komplementare ose pasardhës afatgjatë.
Pas sezonesh të luhatshme; 21 gola më 2019-2020, 30 gola nën drejtimin e Erik ten Hag, por edhe vite me më pak se 10 gola, cikli i tij në “Old Trafford” duket i mbyllur. Barcelona është gati të finalizojë marrëveshjen në kushte të favorshme, ndërsa Manchester United duhet të pranojë një vlerësim shumë më të ulët se më parë.
The post Barcelona do ta blejë Rashford sipas klauzolës, por kohët e “Mister 100 mln” janë larg appeared first on Telesport.
