Pas një barazimi dhe dy humbjeve rresht, Atletico Madrid është rikthyer te fitorja në La Liga, pasi mundi sonte 4-2 Espanyolin në sfidën e luajtur në “Metropolitano”, e vlefshme për javën e 25-të.
Katalanasit e nisën shumë mirë takimin duke gjetur avantazhin që në minutën e 5-të me Jofre, pas një kundërsulmi të shpejtë. Barazimi erdhi në minutën e 21-të, ku pas një topi të humbur nga miqtë në zonë, Marcos Llorente kroson në zonë, Alexander Sorloth dërgon topin në rrjetë dhe barazon shifrat. Pjesa e parë mbyllet 1-1.
Pjesa e dytë nisi shumë mirë për vendasit, të cilët gjetën golin e avantazhit në minutën e 49-të me Giuliano Simeone, pas asistit të Alex Baena. Në minutën e 58-të ishte radha e Ademola Lookman për të gjetur golin me kokë, pas krosimit të ardhur nga goditja e këndit dhe asistit me kokë të Matteto Ruggeri. Në 6 ndeshje me Atletico Madridin, Lookman ka shënuar 4 gola dhe ka dhënë 2 asiste, super transferim deri tani.
Në minutën e 72-të ishte Sorloth që shënoi golin e dytë personal dhe të katërtin për Atletico-n. Norvegjezi shënoi me kokë, pas krosimit të Ruggeri. Exposito shënoi golin e dytë për Espanyol në minutën e 80-të, me një goditje të fuqishme në kufijtë e zonës së rreptësisë.
Pas kësaj fitoreje 4-2, Atletico Madrid mban vendin e 4-të me 48 pikë, ndërsa Espanyol mban vendin e 6-të me 35 pikë.
The post Atletico Madrid rigjen fitoren në La Liga, Ademola Lookman çfarë nënshkrimi (video) appeared first on Telesport.
