Edhe pse ka qenë shumë aktive këtë merkato duke bërë disa lëvizje të bujshme, Atletico Madrid nuk e ka nisur aspak mirë sezonin e ri, duke mos arritur ende fitoren e parë. “Colchoneros” nuk kanë shkuar më shumë se barazimi 1-1 ndaj Alaves.
Atletico Madridi e nisi mjaft mirë takimin, ku gjeti avantazhin aps 7 minutave lojë me Giuliano Simeone. Ai nuk festoi, në shenjë respekti ndaj ish-ekipit të tij, ku luajti si u huazuar për një sezon, 2023-2024. Argjentinasi dërgoi topin në rrjetë pas disa tentativave dhe rrëmujës së krijuar në zonë. 6 minuta më pas, Alexander Sorloth ndërhyn në mënyrë të gabuar ndaj kundërshtarit, brenda zonës dhe arbitri jep 11-metërsh.
Vendasit barazojnë shifrat me Carlos Vincente. Një ndeshje e gjitha për t’u harruar për Sorloth, sulmuesi norvgjezi u vlerësua në fund të takimit më notën 5.4, lojtari më i dobët në fushë për të dy ekipet. Pavarësisht zëvendësimeve të kryera nga Diego Simeone, ato nuk dhanë rezultat dhe shifrat nuk ndryshuan deri në fund, 1-1.
Pas 3 javëve në La Liga, Atletico Madrid ka vetëm dy pikë, duke u renditur momentalisht në vendin e 14-të.
The post Atletico Madrid nuk është kurrkund. Sorloth ngatërron “rolin” dhe vlerësohet më notën 5.4 appeared first on Telesport.
