Tashmë nuk është më sekret që Marc Casado ka përfunduar në radarin e Atletico Madridit. Pas largimit të Conor Gallgher drejt Totenham për 40 milionë euro, mesfushori i katalanasve është kthyer në objektivin kryesor të Atletico Madridit për merkaton e janarit.
Mediet spanjolle bëjnë me dije se Atletico Madrid i ka dërguar tashmë Barcelonës ofertën e parë zyrtare për Casado. “Colchoneros” propozojnë huazimin e lojtarit deri në fund të sezonit me detyrim blerje, bazuar në objektiva lehtësisht të arritshëm.
Shifra përfundimtare që Atletico është e gatshme të paguajë në verë, pas mbarimit të huazimit, është 30 milionë euro. Vetë lojtari mësohet se ka dhënë miratimin e tij për t’u transferuar në Madrid. Nga ana e Barcelonës, ende nuk ka një përgjigje deri tani për ofertën e ardhur nga Atletico Madrid. Ndërkohë, bisedimet mes palëve pritet të vazhdojnë dhe të jenë më intesive ditët në vijim.
The post Atletico bën ofertën e parë zyrtare për Marc Casado, Barcelona në mëdyshje. Vetë lojtari është dakord për transferimin appeared first on Telesport.
