Iniciativa “Asnjë cent më shumë” ka organizuar sërish protestë, për të premten, datë 11 prill ora 12:00, në sheshin Zahir Pajaziti.
Njëri ndër më të zëshmit i cili ka argumentuar tërë kohën kundër shtrenjtimit të energjisë elektrike, Shënoll Muharremi, ka shpërndarë thirrjen për protest duke shkruar se, “Vetëm edhe 1 cent më shumë për rrymën do të thotë rritje zinxhirore e çmimeve në produkte e shërbime në treg, në market, në çdo aspekt të jetës sonë të përditshme.”.
E plotë:
ASNJE CENT MË SHUMË!
Jemi në mision për me e mbrojt ekonominë tonë, bizneset tona dhe çdo familje e qytetar nga një valë e re e inflacionit që mund të shpërthejë si pasojë e rritjes së re të çmimit të energjisë elektrike.
Vetëm edhe 1 cent më shumë për rrymën do të thotë rritje zinxhirore e çmimeve në produkte e shërbime në treg, në market, në çdo aspekt të jetës sonë të përditshme.
E Premte • 11 Prill • Ora 12:00
Sheshi Zahir Pajaziti, Prishtinë
Bashkohu të ndalim bashkë këtë padrejtësi ekonomike.
