Real Betis mund të jetë aktiv në ditët e fundit të afatit kalimtar dimëror, me mundësinë që më shumë lojtarë t’i bashkohen Antony, i cili firmosi javën e kaluar.
Teksa sulmuesi i Manchester United përforcon opsionet që Manuel Pellegrini ka në fazën e sulmit, duket se kjo nuk është e mjaftueshme për ta.
Antony iu bashkua Iscos, Giovani Lo Celso, Pablo Fornals, Ez Abde, Juanmi, Chimy Avila dhe Jesus Rodriguez si opsione për të luajtur në tri opsionet e sulmit, por tani ka plane që një tjetër lojtar të transferohet para ditës së fundit të afatit kalimtar të hënën.
Siç ka raportuar ABC de Sevilla, Betisi po shqyrton mundësinë e transferimit të Marco Asensios nga Paris Saint-Germain, me kushtet e një marrëveshje të mundshme që tashmë janë diskutuar nga zyrtarët e klubit.
Asensio, i cili i është ofruar Barcelonës dhe Atletico Madridit, u largua nga Real Madridi si lojtar i lirë në verën e vitit 2023 për t’iu bashkuar PSG-së, por dështoi që të fitojë një rol të rëndësishëm atje.
- Ai nuk bën më pjesë në planet e trajnerit Luis Enrique, andaj largimi i tij nga kryeqyteti francez duket i pashmangshëm./Telegrafi/
