Pas zyrtarizimit të trajnerit të ri, Liam Rosenior, Chelsea po përgatitet të bëjë ndryshime të mëdha në ekip. Një nga objektivat kryesore të “Bluve” është Federico Valverde, lojtari polivalent i Real Madridit, që mund të mbulojë disa pozicione në mesfushë, por mund të luajë edhe si mbrojtës i djathtë.
Duke ditur rëndësinë e madhe që ka uruguaiani te madrilenët, Chelsea është e gatshme të ofrojë deri në 120 milionë euro për kartonin e Valverde, sipas asaj që zbulon “Fichajes”. Pavarësisht shifrës tunduese, që në rast se do të pranohet do të jetë shitja më e shtrenjtë në historinë e Real Madridit, duket e vështirë që klubi madrilen të “sakrifikojë” Valverde-n.
Në Madrid janë të vetëdijshëm se është shumë e vështirë të gjesh një zëvendësues të denjë për një lojtar të gjithëanshëm si Valverde. Kontrata e 27-vjeçarit me “Los Blancos” skadon në vitin 2029, ndaj ata nuk janë aspak në presion për shitjen e tij.
The post As Rodrygo dhe as Vinicius Junior. Chelsea me ofertë 120 mln euro për të “paprekshmin” e Real Madridit appeared first on Telesport.
