Me fitoren e arritur 1-2 në transfertën ndaj Angers, Lens merr fitoren e katërt rresht dhe kryesimin në Ligue 1. Lens e drejtuar nga Pierre Sage po bën një super sezon në Ligue 1 dhe deri tani ka qenë një rival i denjë për PSG-në dhe Olimpique Marseille.
Përsa i përket ndeshjes së sotme, Florian Thauvin, sulmuesi i njohur francez shënoi dy gola për Lens, nga një në secilën pjesë. Goli i parë erdhi në fund të pjesës së parë ku ish-sulmuesi i Marseille, Udinese dhe i disa ekipeve të tjera, shënoi me një goditje të fuqishme në kufijtë e zonës së rreptësisë. Thauvin tregoi gjithë vlerat e tij duke dyfishuar shifrat në minutën e 72-të me një tjetër goditje të fuqishme. Golin e vetëm për vendasit e shënoi Harouna Djibirin në minutën e 76-të.
Pas kësaj fitoreje, Lens kryeson renditjen në Ligue 1 me 31 pikë, PSG renditet e dyta me 30 pikë, Olimpique Marseille e treta me 29 pikë dhe mbyll katërshen e parë, Lille me 26 pikë.
The post As PSG dhe as Marseille, Ligue 1 ka një kryesues të ri (video) appeared first on Telesport.
