Mikel Arteta e ka përjashtuar Viktor Gyokeres nga ndeshja e Arsenal në Champions League kundër Slavia Praga, jashtë fushe. Sulmuesi, i cili iu bashkua “topçinjve” në verë, pësoi një dëmtim muskulor në fitoren 2-0 të së shtunës ndaj Burnley.
Trajneri i Arsenal nuk specifikoi se cili muskul ishte i dëmtuar, por nuk ishte optimist. Gabriel Martinelli, Martin Odegaard, Noni Madueke, Kai Havertz dhe Gabriel Jesus janë gjithashtu të lënduar, ndërsa Martin Zubimendi është i pezulluar.
“Gyokeres nuk është i disponueshëm. Ai nuk është stërvitur. Duhet të bëjmë më shumë teste dhe skanime për të kuptuar shkallën e dëmtimit”, deklaroi trajneri i Arsenal.
“Jam i shqetësuar sepse ai nuk kishte shumë probleme muskulore dhe iu desh të largohej nga fusha sepse ndjeu diçka, gjë që nuk është kurrë një shenjë e mirë, veçanërisht për një lojtar goli”, tha Arteta.
The post Arteta në telashe, humbet sulmuesin kryesor pas dëmtimit në Premier League appeared first on Telesport.
