Policia e Kosovës ka arrestuar një person pasi i njëjti nuk ka përfillur urdhrin e zyrtarit policor dhe ka tentuar të largohet me veturë.
Rasti ka ndodhur në pikë-kalimin kufitar Dheu i Bardhë, të enjten në ora 09:37.
“I dyshuari gjatë arrestimit kishte rezistuar ku kishte pësuar lëndime dhe të njëjtit i është ofruar tretman mjekësor”, thuhet në raport.
Me vendim të prokurorit i dyshuari është liruar dhe rasti shkon në procedurë të rregullt.
