Álvaro Arbeloa foli para mediave në prag të përballjes së Champions-it mes Real Madridit dhe Benfica, duke prekur edhe temat më të nxehta të momentit. Ai shmangu komentet ndaj deklaratave të Joan Laporta, por theksoi se “skandali më i madh është fakti që ‘çështja Negreira’ vazhdon pa u zgjidhur”.
Arbeloa kërkoi një Real Madrid të ngjashëm me atë të Lisbonës dhe theksoi rëndësinë e atmosferës në “Bernabéu”, duke e quajtur sfidën finale të vërtetë. Ai foli edhe për rastin e racizmit, duke kërkuar që UEFA të japë një mesazh të fortë përtej sloganeve.
Sa iu përket lojtarëve, ai konfirmoi formën e mirë të Vinícius Júnior, duke e cilësuar lider dhe vendimtar, ndërsa për Kylian Mbappé tha se është gati dhe mund ta zgjidhë ndeshjen në çdo moment. Për mungesën e José Mourinho në stol, Arbeloa shtoi se ekipet e tij gjithmonë mbeten konkurruese.
The post Arbeloa “harron” Benfica, merret me… Laportën: Skandali më i madh mbetet çështja “Negreira” appeared first on Telesport.
