Në moshën 31-vjeçare dhe pas një karriere të gjatë te PSG, braziliani Marquinhos mbetet figurë qendrore e klubit parizien. Pavarësisht zërave për largim, sidomos pas triumfit në Champions League, kapiteni ka zgjedhur ta vazhdojë aventurën në Paris, me Botërorin 2026 si objektiv.
Edhe pse ka konkurrencë të brendshme dhe oferta nga Arabia Saudite, roli i tij në skuadër nuk është vënë kurrë në dyshim. Mbrojtësi përfaqëson vazhdimësi dhe eksperiencë në një dhomë zhveshjeje që ndryshon vazhdimisht.
Ndërsa karizma e tij mbetet e paprekur, pyetjet për të ardhmen kanë nisur të shfaqen. Sipas “L’Équipe”, edhe pse kërkohet prej kohësh nga klubet saudite, ai nuk ka nxitim të largohet dhe, me kontratë deri në vitin 2028, do të merrte në konsideratë vetëm një transferim të mundshëm në Katar. Marquinhos mbetet kështu një pikë referimi për sfidat e ardhshme kombëtare dhe ndërkombëtare.
The post Arabia Saudite? Jo, faleminderit. Marquinhos do të largohet nga PSG vetëm për Katarin appeared first on Telesport.
